وهرب الحضري

موضوع: وهرب الحضري الجمعة 22 فبراير 2008, 2:46 pm

عفوا أيها الرائع والمعلق التونسي / عصام الشوالى دعني استعير منك جملتك الشهيرة التي أطلقها على النجم الكبير والرائع والشهير زين الدين زيدان " كم أنت كبير يا زيدان " لأطلقها اليوم على نجم لا يقل عظمه ولا روعة عن زيدان .
اليوم سوف أطلقها على الرائع والكبير والعملاق أو كما يطلق عليه السد العالي " عصام الحضري " أفضل حارس مرمى مصري وإفريقي وأحد أفضل الحراس على المستوى العالمي.الحضري الحارس الأول للنادي الأهلي والمنتخب المصري يعد السبب الأول في انتصارات الأهلي والمنتخب في الفترة الأخيرة وخاصة بطولة الأمم الإفريقية التي أقيمت بمصر 2006. بدء الحضري مشواره الكروي مع ناشئ نادي دمياط ثم الفريق الأول وصعد بهم للدوري الممتاز موسم 1996 ، وتم اختياره من جانب مدرب المنتخب الأوليمبي رود كرول حارسا للمنتخب الأوليمبي ثم انتقل إلى النادي الأهلي وجلس احتياطيا للعملاق أحمد شوبير . شارك الحضري في حصد العديد من البطولات مع الأهلي والتي تصل لحوالي 24 بطولة وهى كالتالي :- بطولات دوري أعوام 1996 ، 1997 ، 1998 ، 1999 ، 2000 ، 2005 ، <2006 ، 2007 .
بطولات كأس مصر SPAN>2001 ، 2003 ، 2006 ، 2007 .
بطولات كأس سوبر مصري 2003 ، 2005 ، 2006 ، 2007 .
بطولات دوري أبطال إفريقيا 2001 ، 2005 ، 2006
بطولة نخبة عربية ( السوبر ) 1997، 1998.

كأس سوبر إفريقي 2002 ، 2006 ، 2007 .

برونزية كأس بطولة العالم باليابان 2006
ولن ينسى الجميع الهدف الرائع الذي احرزة الحضري في مرمى صن دوانز الجنوب إفريقي في كأس السوبر الإفريقية التي فاز بها الأهلي عام 2002 من تسديدة من أمام مرماه
وشارك الحضري مع المنتخب في بطولة بوركينافاسو 1998 وتوج معه باللقب دون أن يلعب وشارك في نهائيات 2002 في غانا ونيجريا ، وخاض الحضري مباراته الدولية الأولى في تصفيات مونديال 98 في المباراة التي خسرتها مصر أمام ليبريا بهدف للنجم جورج وايا في ليبر وفيل .
وشارك في دورة 2006 في مصر وكان السد المنيع في جميع المباريات الستة التي خاضها المنتخب في البطولة وأستطاع أن يقدم عرض قوى استحق علية لقب أحسن حارس في البطولة إذا لم يدخل مرماه الإ ثلاثة أهداف وقدم مباراة رائعة أمام كوت وفوار في المباراة النهائية واستطاع التصدي لضربتي جزاء لمنتخب كوت ديفوار وإحراز البطولة .
بعد كل هذه الإنجازات التي حققها الحضري مع النادي الأهلي والمنتخب المصري خاصة في عام 2008 بعد أن ساهم بالدور الأكبر في إحراز بطولة الأمم الإفريقية مع المنتخب . كان لابد أن يحصل الحضري على لقب أفضل حارسفي أفريقيا في هذا العام
......

ولكن
هرب
الحضري
باع الاهلي
وخسر حب الملايين
من الاهلاويه والمصريين والعرب
وهرب إلي سويسرا
وتعاقد مع فريق لإول مرة يطلع للدوري
الممتاز

عصام بن الحضرى
هرب يا رجالة

اه يا اخي سبحان الله وكان القدر يعاقب الحضري بس مش عارف بيعاقبه علي ايه

الحضري ما اختارش التوقيت الصح ولا المناسبة الصح انه ينمشي فيه وكمان دا عنده 35 سنة يعني اخره في الاحتراف سنة سنتين بالكتير وراجع تاني

الحضري بالحركة دي حسر تعاطف الجماهير كلها وياريت على كده وبس دا خسر تاريخة كله مع الاهلي

لا واللي اكتر من كده والده طالع امبارح علي الفضائيات وبيقول ان الحضري اتظلم لانه المفروض كان يكون كابتن الاهلي والمنتخب وان ده السبب وراء رحيله وان لولا الحضري جوزيه ما كانش حصل علي البطولات دي كلها

عفوا يا حضري الاهلي كبير بيك او من غيرك ومع اننا بنحبك بس هاقولك باودعك اخر وداع

انتوا بتتكلموا جد؟
هيسيب الاهلى ومصر؟
طويب لية؟
يعنى معنتش هقوووووووووووووووووووووووول؟
اراس يا حضرى؟
حبيبة الرحمن

عصام الحضري أحببناك بطلاً
وتركتنا نذلاً
go to hell

الكلام بجد........ باع الاهلي
ابن الـــــــــــــــــــــــــــــــــــــــــ
حضري
بس ممكن نغني ونقول
اهرب يا حضري
اهرب ياحضري

لا لا ما نظلمش الراجل يا عم ما حدش يعرف بواطن الامور

كل اللي نقدر نقوله ربنا مع امير ويوفقه

والحضري خسر كل حاجة مش احنا اللي خسرنا

انا عن نفسي لسه بحبه

أنا لأ
بكرهه..بكرهه...بكرهه

La ta7kom 3ala al-amor men zoahereha ya a7mad

wakaif yakon al7okm 3la mn ba3 kol haga 7elwa
3lashan nafsoh
بقولك إيه إكتب بالعربي عشان أنا اتشليت

اية يا جماعة ؟
متتخنقوووووووووووش
شفتوا نسينا الحلو لعصام الحضرى وافتكرنا لة موقف واحد بس؟
فين التفكير الايجابى؟
عمل كتير وادانا كتير؟
مش من موقف تكرة بسرعة ؟مينفعش ؟
ربنا يوفقة بجد يستحق اكتر كمان
اما ابوتراكة؟
دا بقة مش ممكن
بجد ونعم يرفض كل الشئ لاجل وطنة بجد يستحق حب الملايين
وبعدين وحدوووووووووووا الثقافة يا ربى يا انجلش ؟
علشان مزهقش؟
حبيبة الرحمن

صحيح بمناسبة امير؟
انا بخاف منة جدااااااااااا وبحس انة مش متمكن ؟
ولا اية؟

مينفعش واحد بعد ما يفضل يبني في بيت
أكتر من 10 سنين

وبعد كده يهده مرة واحدة
ونقول بعدها
الله شايفين البيت الجميل ده

الحضري باع أحسن سنين في حياته
عشان
نفسه

بصراحة أنا شايف إنه ميستهلش نفضل نحبه

أمير كويس جداً بس المشكلة
إنه مكنش واخد حقه

المهم يثبت نفسه بعد كده

وهو يستاهل
فعلاً يبقي الحارس لأول للاهلي

بصو يا جماعة

الحضري لما سافر اكيد خسر كتييييييييييييييير بس دا مش هيقلل حبي ليه واللي عمله مع الاهلي ومع المنتخب بلاهلي بلا غيره

بعد افريقيا المهم عندي المنتخب وبعدين كده او كده الاهلي مش هيقف عليه عندنا امير وعندنا شريف اكرامي والخير كتير والموجود يسد

المهم ان مين الخسررااااااااااااااااااااااااان الحضري ودا اللي مزعلني والله في الموضوع لاني بحبه

وزي ما قلت قبل كده ما نعرفش بواطن الامور اما ابو تريكة بئي فكل الناس بتحبه سواء اهلي ولا زمالك ولا افريقيا ولا اي حاجة كله بيحبه والراجل يستاهل كفايه انه سن سنة حسنة وهي السجود بعد كل هدف --- ر ربنا يجزيه خير ويوفق الحضري

وهاكتب انجلش بئي هه

ههههههههههههههههه

سلام

السلام عليكم
بصوا يا جماعه انا عندى رايى اولا فعلا لازم نعترف ان الحضرى موهوب وانا زعلت جدا لانه ساب النادى وباع فعلا كل شىء لكن فى نفس الوقت مش عايزه نكون انانيين فى حكمنا وننحاز لمصلحتنا يعنى لما يبقى مع مصلحتنا يبقى عسل ولما يبقى ضدها يبقى بصل ووحش ولازم نلاحظ ان ده مستقبله هو انانى مفكرشغير فى نفسه ونجوميته وان من حقه انه يكون نجم لكنه غلط لاننا كلنا نتمناله انه يكون نجم لكن مش على حساب ناديه اللى ليه فضل عليه ومنتخب بلاده انا مكنتش لا بحب ولا بكرهه لكن ما فيش شك انه غلط غلطه محدش يقدر ينساهاله ابدا وكمان انا مش عارفه ايه اللى طلع فى دماغه الفكره دى بعد ما كان نجم مشهور اقول لك يا حضرى قد تكون كسبت الشهره والمال ولكنك معهما خسرت حب الملايين

المشكلة إنه حتي لما طلع ع التليفزيون
وهو لابس فانلة النادي السويسري
مفكرش حتي يعتذر للنادي وللجماهير
لكن قال إنه إدي النادي الاهلي كتير
وكان لازم يمشي لان الاهلي لا يحقق طوحاته في الوقت الحالي
الله يرحم

ما انا قلت انه فعلا انانى جدا وناكر للجميل كمان
و انا اتضايقت فعلا من الموقف ده
يعنى هو حاسس انه كده مغلطش لانه بيحقق طموحاته
طب واحنا مش فى دماغه خالص ولا فارقين معاه

اخوى دكتور برضه كان مره قالى لما سالته
هو كل واحد موهوب وحلو بس ده كان قبل هروب الحضرى
المهم يبقى يسيب بلده لما دول يسيبوها امال مين اللى يدافع عنها ويحميهاا

قالى بصى الواحد لازم يشبع احتيا جاته الاول عشان يقدر يفيد بلده
لانه طول مه مش شابع احتياجاته مش هيقدر يفيد بلده ولاحتى نفسه
يعنى الراجل اللى بيسافر بره ويشتغل ويجيب فلوس
ويرجع بلده مش بيشغل ناس كتير يبقى كده افاد بلده ولا لأ

اكيد فادها بس طبعا ده مش ينطبق على الحضرى
لانه كده باعها عشان نفسه على العموم هو اللى خسر
ده مجرد موقف خجه على بالى فحبيت اذكره

بس الخوف هو ايه هيكون مصير الاهلى ومنتخب مصر
ولسه هيبداوا من الصفر سواء لامير فى الاهلى او عبد المنصف فى المنتخب
ويا خوفى من ان الظاهره دى تنتشر
ونلاقى نجوم كبار تانى سايبين البلد ويبحثوا عن نجوميتهم ويتركونا احنا

وعلى فكره انا بشجع لكنى بشجع حاجه واحده بس
اى واحد يلعب باسمها اشجعه وهى مصر
اهلى زمالك محله اسيوط المهم انه يلعب باسم محبوبتى مصر