لو إنت قطة

تيجوا نهزر شوبة
ونفكر شوية ونطلق العنان لخيالنا الصغير ونفكر كلنا إيه اللي ممكن يحصل لو إننا زي القطط
وأنا هنا لا أقصد القطط اللي بتاكل وتنكر علشان ميطلعليش واحد حــفـلوط " هو يعني إيه حفـلوط؟ " و
يقول طب هو إحنا لاقين ناكل عشان ناكل وننكر
تعالوا نرجع لموضوعنا

لو إنت فطة ...ولا بلاش إحسن حد يزعل ... لو إنت قط .. ماشي كده يا عم .. لو إنت قط و بسبع أرواح هتعمل بيهم إيه ؟
سؤال مهم مش كده ؟

لو عندك سبع أرواح وبدلة شيك و حتة ريبان

أولاً خلي عندك مشاركة سياسية فعالة
يعنى لو سمعت إن فيه مظاهرة عشان سيد معوض هيسيب الاسماعيلى ... خوفك على حياتك الواحدة هيمنعك إنك تروح
لأ .. دلوقتي روح و إنت مطمن .. يعني لو وقعت تحت رجليهم موتوك .. مش إشكال
أهى واحدة وباقى 6 إنت حر فيهم
ترجع البيت و إنت لسه صاحى من موتك الأولانية فريش تلاقى جواب من أخوك اللى قى الصعيد الجواني أو البرانى
" إحضر فوراً أبوك شرب كانز بيبسي "
عاوز تشوف أبوك والفلوس مش هتكفي
وطبعاً لو حياتك واحدة هتخاف تركب القطر ... بص بقي ياعم إحنا معانا كام حياة دلوقتى ؟ 6 وواحدة راحت قبل كده؟؟
لسه هتحسب .. روح إقطع تذكرة علشان القطر طالع دلوقتي -أيوه - اللى بقعد خمس أيام في الطريق وما تخافش إنه يولع بيك وإنت مالحقتش
تنط منه .. لو اتحرقت عادى هتبقى شهيد ويبقي فاضل معانا 5
نص ساعة وتلاقي نفسك صاحي من الموتة التانية وتروح لأبوك تشوف حكاية الكانز دي إيه !!!!
......" وحين تطأ قدماك أرض بلدتك العريقة ".......
تلاقي عيلتين " بيتعاركوا مع بعضيهم علشان التار اللي بيناتهم ولازم يجتلوا حد الليلادي "
وتلاقي نفسك صدفة وسط معركة حامية وممكن تتنش رصاصة ... موت .. شغااااااال يا برنس
يبقي كده كام موتة؟؟؟ ... لأ 3 مش عاوزين خم
المهم ياعم وصلت بيت العيلة وخلاص ... تلاقي أبوك بتاع الكانز لسه عايش وبيشتغلك ويقولك عليك واحد
أنا عامللك مفاجأة أنا هأروح أحج وأنت جاي معايا
هتفكر في الطيران لأ
الفلوس مش هتكفي
اسمع !!!! احجز عبارة ومش مشكلة لو غرقت إنت كده تمام
كده بقى باقي كام؟؟؟ 3 صاحيين معايا
ماشي
راجع بقي بيتك بعد ما اتصورت وطلعت في التليفزيون وأصبحت
...." حديث الساعة "....
والمنبه كمان لأنك الشخص الوحيد اللي عمال يموت ويصحى وتبقي نجم إعلانات
وتنافس نانسي وحماقي والقرد بتاع موبينيل
لكن فجأة البنت اللي بتحبك تقول أهو كده كده مطنشني يبقي دلوقتي هيعبرني
وتقرر إنها تقتل حضرتك وتقطعك حتت وترميك للفيران " شايف الذل "
وقتها هتلاقيك صحيت تاني ومع دهشتها وقبل أن تقرر أى شئ هتلاقي العمارة بتتمرجح بيكم وتقع علي دماغكم
والكل حواليك يتوكل على الله وإنت اللي تصحي يابرنس....
وقتها تضيق بيك الدنيا فتسأل الواد حلبسة بتاع القهوة علي حد يجيبلك عقد بره فيهمس في ودنك
الاستاذ دومة ممكن يجيبلك حتة ليبيا ومنها تخلع علي ايطاليا
وإوعي تفكر في المركب اللي هتغرق وإنت بتهرب ..علشان ..
يانهار أبيض........... أنا نسيت أقولك أن دي الموتة السابعة
ياللا ..... الله يرحمك .....حد قالك تسمع كلامي
ههههههههههههههههههههههه



ياللا ... قولولي لو عندكم 7 أرواح هتعملوا بيها إيه