ألا يستحق MOHAMMED'S DAY

فاضل 5 أيام علي الVALANTINE اللي هو عيد الحب يعني شخشخ جيبك وطلع القرشينات اللي محوشهم من يوم عيد الاضحي
واشتري دبدوبين وكام قلب أحمر من اللي عليهم LOVE وكارت من أبو لميع وظرف وروح إديهم للبنية اللي بتضحك عليها واكشف عن أسنانك المصدية وقولها بابتسامتك المعهودة المصطنعة هابي فالنتين تو يو يا ولية... واحجز مقعدك من الآن في المقدمة ولكن في النار
بالمناسبة.... حد عارف إيه سبب الاحتفال بالباشمهندز فالنتين ؟
الراجل ده كان قائد سرية في الجيش الروماني .. وفي معركة من ضمن المعارك كان الامبراطور الروماني مانع الجنود انهم يروحوا بيوتهم أو اللي مكنش لسه اتجوز كان ممنوع من الجواز لكن عمنا فالنتين كان بيهرب الجنود عشان يتجوزوا .. فلما عرف الامبراطور الروماني بكده سجنه وبعد فترة أمر باعدامه لانه كان السبب في هزيمة الجيش
يا نهار أبياااااااااااااااااااااااااااااااااااااااااااااااااااااااض ؟ بقي ده سبب يخلي العالم كله يحتفل بالاستاذ فالنتين ؟ تفاهة . .. إيه؟ تفاهة ..إيه ؟ تفاااااااااااااااهة
بالله عليكم ألا يستحق خير خلق الله أن نحتفل به بدلاُ من تلك الهيافة؟ يستحق .. طبعا يستحق
ياللا بينا ندخل علي كل المنتديات اللي نعرفها وننشر فكرة MOHAMMED'S DAY وبدل مانقول لبعض هابي فالنتين داي نقول هابي محمدز داي وتبقي الهدية مثلاً مصحف أو كتاب أدعية أو أحاديث أو حتي نصوم اليوم ده وندعي لبعض في الاخر وندعي ربنا إنه يجمعنا بمحمد صلي الله عليه وسلم بالفردوس
دي مجرد فكرة ... لكن مش هتكمل إلا بيكم
وبكده يبقي حبيبنا كلنا هو الحبيب محمد عليه الصلاة والسلام
ردوا علي الموضوع واللي موافق يحتفل معايا بMOHAMMED'S DAY يعرفني ويبدأ معايا في نشر الفكرة ولو وافقتوا ممكن نحتفل بيها مع بعض في الجمعية

السلام عليكم يا دوك

انا معاك اننا ممكن نعمل يوم بس ما يكونش اسمه MOHAMEDS DAY ليه لان نبينا اكبر من كدة واكبر من انه يقارن بفالنتين
واننا مش لازم نحتفل بسيدنا محمد في يوم واحد بل دا لازم يكون كل يوم وكل ساعة وياريت نقدر علي كده

الفكرة جميلة اننا نعمل يوم نتبادل فيه الاماثورات والمصاحف والادعية بس ممكن نغير اسم اليوم والفكرة

ومشكور علي الموضوع

تعليق بسيط :

انا مش معترض ان يكون في يوم او عيد للحب

ولية ما تقولش اننا نصحح فكرة الاحتفال بعيد الحب

هو الواحد مثلا ما بيحبش والده او والدته او مراته او اولاده او اصحابه

ممكن برده نستفيد من عيد الحب في حاجة زي كدة ونخلي اسمه برده عيد الحب