شكر لكل من ساهم فى الذيارة لمستشفى صدناوى؟

السلام عليكم ورحمة الله وبركاته
انا بجد الاول فرحااااااااااااااااااااااااااااااانة اوي اوي النهاردة ..كان يوم بجد تحفة ..أنا أول مرة ليه أزور مكان زي ده وكان نفسي من زمان اني اروحه ...بجد جميييييل اوي......شوفوا الابتسامة الي على وشهم من مجرد اي كلمة بسيطة تسعدهم مننا او من اي حد بالرغم الالم الي همه فيه .يااااااه بجد
غيروا معاني كتير جوايا.رينا يشفيهم ويعافيهم ياااااااارب
والجماعة الي كنا فيها كانت جميلة حسيت بروح التعاون والاخوة الي كانت بينا ..بجد اليوم كله ع بعضه حلو اويييي......وعازين نكرره تاني ولو اني خايفة بالرغم من فرحتي النهاردة بس خايفة اروح تاني

اما عن السلبيات هيه مش سلبيات يعني بس شوية ملاحظات او اقتراحات:
* كان نفسي نكون داخلين عليهم بحاجات اكتر من كده ,يعني لو كان قيمة الاشتراك زادت شوية وجبنلهم حاجات اكتر كان هيبقى احسن ع الاقل يبقى كل
واحد بالونتين مش واحدة بس واي لعبة صغيرة كده
شوفوا كانوا فرحانين بالبالونة الصغيرة دي ازاي
*نقطة المواصلات كان تبقى بنظام اكتر من كده شوية
وبس وربنا يتقبل من جميعاً.

السلام عليكم ورحمة الله وبركاته

طبعا مش قادرة أوصف اديه اليوم ده كان جميل ولذيذ
والحمد لله ان ربنا قدرنا وقدرنا نخلي اليوم بالشكل ده

وان شاء الله ياريت كل واحد يكتب تعليقاته علي اليوم
وطبعا وده اكيد مش هيكون فيه زعل خالص
بس ياريت اللي يكتب يكتب اللي عجبه واللي مش عجبه الاتنين يعني

اما بالنسبة للتعليقات اللي اتقالت

اول حاجة موضوع الهدايا
اولا ياجماعة احنا مش اول مرة نروحلهم ولا هتبقي اخر مرة ان شاء الله
مرة بنروح نجبلهم لعب ومرة تانية بتبقي حاجات بسيطة زي كده ومرة ممكن بتبقي ملابس
يعني مش شرط كل مرة نجيب حاجة كبيرة
وبعدين مش كل الناس هتقبل ان الاشتراك يزيد عن كده
وبعدين ده ممكن يقلل زيارتنا ليهم يعني لو كل مرة هنروحلهم وناخد معانا حاجات كتير زي مبتقولوا
يبقي زيارتنا ليهم مش هتبقي علطول لان في كل مرة هيكون موضوع الفلوس ده مشكلة
وبعدين صدقوني الاهم للطفل من اللعب احساسه بانه مهم وانه محبوب لما يشوف الناس مهتمة بيه وعلي طول معاه وبتعوضه
عن حاجات كتير هو انحرم منها بسبب المرض
يارب تكون الفكرة وصلت

اما بخصوص تاني حاجة وهي حكاية المواصلات
فعلا احنا بنعتذر جدا عن الموضوع ده لانه مكنش متنظم خالص وخصوصا اليوم ده
بس ان شاء الله الموضوع ده حطناه في الاعتبار وان شاء الله فيه افكار كتيرة ليه
بس فعلا احنا الاول كنا بناخد مكروباص من عند الجمعية يودينا ويرجعنا بس طبعا كان بياخد مبلغ كبير
فقلنا يعني المبلغ ده احق بيه الاطفال دول
بس ان شاء الله ادعوا الفكرة تتحقق ان شاء الله
وياريت لو حد عنده اي اقتراح لموضوع المواصلات ده يقولوا هيفيدنا كتيير بجد


اما بالنسبة لاقتراح الادمن عن تكرار الزيارة
ففعلا الزيارة ديه بنكررها كتيير وكان من المفترض انها كل اسبوعين
ان شاء الله ربنا يقدرنا وتكون كده


وجزاكم الله جميعا كل خير وفي انتظار تعلقاتكم ومقترحاتكم

السلام عليكم ورحمة الله وبركاته

" ان لله عباداً اختصهم بقضاء حوائج الناس
حببهم فى الخير وحبب الخير فيهم "

وفى الحديث القدسى " ابغونى فى ضعفائكم فبهم تنصرون وترزقون "


شكراً لمنظمى الزيارة
ومجهود رائع
واختيار الوقت فى الايام الكريمة اروع
جهد وعمل نسأل الله ان يجعله فى ميزان حسناتكم

بجد كان يوم من اجمل الايام
والتعاون
والمودة بيننا
والتقارب
كان اجمل

اما عن الزيارة
فقلد سعدت بها
وخصوصا لقائى مع الاطفال ( السيد ومنى وايمان واحمد ومحمود واسراء .....)
وخصوصا السيد لانى جلست معه اطول فتره
وعند سؤالى له ماذا تحب ان تكون فى المستقبل
قال مهندس طيار ....
وهو ثانية اعدادى
اما عن منى فهى اكثر الاطفال تأثيرا فى فعند سؤالى لها من بيزورك قالت لا احد والدى عيان وامى قاعدة جنبه
ونفسى فى تليفون اكلمهم منه ...
الاموره ايمان
وغيرهم

اجمل شئ ان ترى ابتسامه على وجه يتألم
والأجمل انك انت الذى صنعتها

السلام عليكم ورحمة الله وبركاته

الاخت الفاضله لا يوجد شئ كامل

فالكمال لله وحده

وان كان هناك بعض الاشياء لا نقل سلبية بل غير مكتمله او انه لم تلقى تخطيط بما يكفى

والاخوة بينوا منها

اما انا احب لفت انتباهكم الى

المسئوليه كانت واضحه على الكل فالكل يحاول تحمل واخذ المسئولية وهذا مطلوب

لا تنسوا ان هذه الزيارة لها السبق بان كان بين افراده اصغر عضو فى صناع

حسين كى جى 1 رفيقى فى الزيارة

ان التعاون الواضح بين الافراد غطى بعض الاشياء

كما اشرتوا بان الزيارات متكرره
وهذا لا يمنع الدقة والاهتمام بالأعداد

والتمس لكم العزر فى سرعة تحديد المعاد ليكون فى الايام العشر وهى تحسب لكم

وأنا متأكد ان شاء الله ان الزيارة القادمه ستكون لها نظرة مختلفه

جعلها الله فى ميزان حسناتنا

وجازى كل من اسهم واعد لها

انا مقصدتش طبعا انها كانت كاملة او كده زي محضرتك قلت
انا بس كنت عايزة انبه حضرتك بما انك شاركت في الموضوع تكتب السلبيات بس لاني عارفة انها موجودة

وطبعا التماس العذر لاي شخص واجب وجزاك الله كل خير علي ذلك

هو الهدف في الموضوع ده كان ان كل واحد كان معانا في الزيارة يعلق علي السلبيات او اي حاجة معجبتوش
عشان ناخد بالنا منها بعد كده

وجزاكم الله خيرا جميعا

السلام عليكم ............
آسف جدا ع الرد المتأخر ....بس انا كنت مشغول خالص في الشغل والله
الزياره كانت روعه وجميله جدا غير الزيارات التانيه كتييييييييييير مش عارف يمكن علشان في ناس اول مره ترووووح الزياره!
ياااااااااااااااااااااارب يكون هذا العمل خالص لوجهك
الايجابيات كتيييييييييير زي ما الاعضاء قالوا انا مش لازم اقولها تاني..........بس
هناك سلبيات احب اقولها (المواصلات)نا مكنتش معاكوا ولكن انا كنت عارف انها هتبقي مشكله . مش مهم انا شاء الله يكون ده حل وهو(العدد كان كتيييييييييييير علشان كده احنا هنقسم نفسها الي مجموعات تتكون علي الاكثر من 9 افراد ويكون كل واحد مسئول عن مجموعه.وبعد كده نركب القطار هيريح في الموصلات جاااااااااامد وبعد كده كل مجموعه تركب سرفيس من عند المحطه لمستشفي صيدناوي
وخلصت المشكله ...............................
كل سنه وانتم بخير

يا سلام يا هندسة انا مش عارف من غيرك كنا هنعمل ايه

ايه الحلاوة دي

ايوة كدة هي دي الافكار ههههههههههههههههه

يا ابني انا كنت بقول لو ميكروباص هيكون احسن

يا اما تطويرا لفكرتك بعد لما نقسم نفسنا فرقتين او 3 ونحدد المكان والزمان اللي المفروض نتقابل فيه مثلا في صيدناوي

وكل مجموعة يكون لها قائد هيبقي الموضوع اسهل كتير

بمعني انك تروح قطر سهلة تروح مواصلات سهلة ومافيش مشاكل خالص

ولا انتو رايكو ايه

Admin

guba
الزياره كانت روعه وجميله جدا غير الزيارات التانيه كتييييييييييير مش عارف يمكن علشان في ناس اول مره ترووووح الزياره!
ياااااااااااااااااااااارب يكون هذا العمل خالص لوجهك
الايجابيات كتيييييييييير زي ما الاعضاء قالوا انا مش لازم اقولها تاني..........بس




فعلا الزيارة المرة دي كانت غير كل مرة
يمكن فعلا عشان العدد كبير فقدرنا ندخل كل الاوض ونلعب مع كل الاطفال
غير كل مرة كنا بنروحها كنا بنبقي ستة او كده
فندخل كل اوضة خمس دقاايق بس وكمان مبندخلهمش كلهم فمبتلحقش فعلا تكون صداقات مع الاطفال
وبرضه كان التنظيم احسن شوية وخصوصا في التوزيع

وان شاء الله تكون كل أعمالنا خالصة لوجهه الكريم باذن الله

أما بخصوص المواصلات انا عارفة ان فيه ناس كتير اضايقت منها
بس بصراحة يعني مكنتش وحشة للدرجة دي يعني
احنا ركبنا الميكروباص وكنا 15 والميكروباص بياخد 14 وساعات بيركب 15 لو السواق كان رخم حبتين
اعتقد ديه مفيهاش مشكلة خالص الكل كان قاعد مرتاح

اما السرفيس بقي اللي رخم شوية مع ان الكل كان قاعد برضه يعني
مع اننا كلنا بنروح كليات
المهم انا عايزة اقول ان الموضوع مكنش صعب للدرجة دي

بس طبعا لازم دائما نفكر في الاحسن والاريح
فبالنسبة للاقتراحات بقي
فالباشمهندس محمد ولا الدكتور بسام كانوا معانا من الاول
فحاسة ان الكلام اللي بيقولوا عليه احنا عملناه اصلا
فحكاية التقسيمة اللي بتقولوا عليها مش شايفة انها فرقت حاجة خالص
طيب مهو برضه هيروحوا مواصلات زي معملنا
اما اقتراح د/بسام لو ميكروباص هيكون أحسن
مش فاهمة تقصد نروح عند الموقف يعني ونركب كلنا مكروباص
لو كان كده فهو ده اللي عملناه

أما لو كان زي مالادمن بيقول نجيبه وياخدنا من ادام الجمعية ويرجعنا تاني

فالاقتراح مش جديد يعني لاننا عملناه قبل كده كتييييير

بس المشكلة تعرف السواق المفروض انه هياخد كام رايح جاي كده مش اقل من 100 جنيه

بالله عليكم مش حراام
هنكون جمعنا من الناس مبلغ كبيير وكمان مرحش علي اللي يستحقوه


لكن الاقتراح اللي كنا عايزين نعمله ان شاء الله انه يكون فيه باص خاص بصناع الحياة
طبعا حاجة جميلة جدا

والفكرة باختصار زي ماتفقنا عليها انا وتقوي اننا نتفق مع ميكروباص معين صاحبه حابب انه يعمل خير
انه يودينا مثلا المشوار ده مش هنقول مثلا من غير اي حاجة خالص ولكن بسعر زهيد او تكون نسبة معينة بالاتفاق مع الطرفين طبعا
وكمان مش نخليه ميكروباص واحد لا اكتر من واحد
عشان منتقلش علي حد

الموضوع ياجماعة مش اكتر من علاقات
اننا هندور عالناس اللي ممكن تساعدنا في حاجة زي كده ونشرحلهم الفكرة وازاي انه هيكون ليهم ثواب
غير ان المشواير مش هتكون كتيرة وخصوصا لو اتفقنا مع اكتر من واحد
ولو كل واحد هيكون معانا مرة ي الشهر وزي مقلنا بنسبة معينة

الموضوع كده محتاج تخطيط للفكرة وتنظيم وناس قادرة انها تقوم بالعمل ده
وطبعا مش عاوزينه يكون بعشوائية يعني كل ده هنتفق عليه في الجمعية ان شاء الله
وطبعا عايزين ناس بتعرف تتكلم

المهم ياريت ارائكم علي الفكرة وعايزين اقتراحات تانية كتييير

وعليكم السلام ورحمة الله وبركاته

لا طبعا والله مقصدتش ان نظرتك تشاؤمية خالص
انا بس عايزة اوضح ان الموضوع سهل ان شاء الله

اما بخصوص سائقي الميكروباص اللي بتتخانق معاهم
فانا عارفة والله ان فيهم ناس صعبيين جدااا
بس طبعا متنساش ان اي مهنة لازم يكون فيها الصالح قبل الطالح


اه طبعا هو مش مستحيل بس زي مقلت في الاول انه عايز تخطيط يعني عايز نكون عارفين احنا هنقول ايه
وهنقنعهم ازاي واول حاجة نكون احنا نفسنا مقتنعين تماما بالفكرة
وأهم حاجة بقي في الموضوع اانا مش عايزين حد ينزل لوحده
يعني لازم نكون جماعات اتنين او اكتر وطبعا انت عارف اكيد ده هيفيدك ازاي
يعني لازم ان شاء الله الموضوع يكون بشكل جماعي وبتخطيط كامل
عشان مش اول منلاقي الفكرة فشلت او مفيش قبول من الناس نرجع السب للناس او المجتمع
ليه ميكونش التقصير ده مننا احنا
يارب يكون قصدي وضح ان شاء الله


بخصوص ثالثا بقي احنا كنا 15 بس مش 18 لانك انت واحمد ومحمد قلتوا انكم هتستنونا هناك
فبالتالي كنا 15 بس وطبعا لو كنا زدنا كنا هنقسم نفسنا بس انتم مكنتوش معانا


اما بالنسبة نروح ميكروباص ويرجع كل واحد لوحده
ممكن بس احنا كنا هنرجع كده لنفس المشكلة
اننا هنجيب ميكروباص وهنستني نشوف مين يتفق معاه
وساعات نلاقي مشكلة الفلوس برضه


لكن لو كنا عارفين احنا هنروح مع مين وبمجرد تليفون نتفق معاه
وكمان هنوفر الفلوس ديه نعمل بيها حاجة للاطفال يبقي احسن
وبعدين كمان متنساش ان بيبقي فيه ساعات مشاوير هنروحها للعاشر او كده
طبعا مشكلة المواصلات فيها صعبة اوي
لاننا ياما هنروح مواصلات عادية وطبعا فيه ناس بتشتكي من كده
وياما ميكروباص وكده هتكون العملية مكلفة جدا ولا ايه رأيك؟؟

السلام عليكم
اعتذر عن عدم دخولى لظروف خاصه
ولكن اعتقد من كلامكم انها رائعه بخلاف المواصلات طبعا
و اعتقد ان الاقتراح بتاع رضاك ربى مقبول الى حد ما لو اتنفذ مع الاشياء التى ذكرها د/بسام ولكن الخير موجود طالما بقيت الامه الاسلاميه فالخير فى امتى الى يوم يبعثون كما قال المعصوم (ص) و يجب على الادمن يقول لنا وجهه نظره فى رفض الاقتراح لعلنا نستفيد منه برضهو اعتقد ان كلنا نعمل لصالح الجمعيه ولا ايه

وعليكم السلام ورحمة الله وبركاته

متعتذرش ولا حاجة طبعا لان كل واحد فينا بيمر بظروف بتجعله مش قادر يكمل
وعايز فترة يكون فيها مع نفسه زي مقلت
وصدقني الفترة ديه معظمنا مر بيها ولاننا مقدرين كل ده كنا بنقوم بشغلهم ونقدر ظروفهم ونلتمس ليهم الاعذار
وندعو ان يعدوا المرحلة ديه بسلام

وطبعا خد وقتك في انك تحل وتعدي الظروف ديه وربنا يوفقك ويعينك ويثبتك
وان شاء الله منتظرينك ترجع تاني أحسن من الاول كمان وترجع بأمل أكبر وعزيمة واصرار أكتر
لأننا فعلا محتاجينك معانا ان شاء الله ومحتاجين معانا أي واحد مؤمن زيك بصناع الحياة

ولاننا زي مقلت كلنا اخوات أتمني من كل الأعضاء ومن اي شخص يقرأ الموضوع
كل واحد يدعو دعوة خالصة من قلبه بظهر الغيب أن يفك كربه وييسر أمره

وجزاكم الله كل خير جميعا

ان شاء الله ربنا يوفقك
ولعل المانع يكون خير
وما فيش تقصير ولا حاجة
واحنا مقدرين وان شاء الله اي حد عنده ظروف يعديها بسلام